Biakinn Dinhmun

Pathian lamhruainak in FBCI in biakinn sak ding timtuah rero laiah 3740 S. Dearborn St. Indianapolis, IN 46237 (29.5 acres) an zuar theih a si ih November 8, 2018 ni ah leifel a si ih December 16, 2018 ni ah luhnak neih a si. Himi biakinn hi kan hrangah khawmnak khan a fiak deuh ruangah khan kauh beet a si ih mipum 1000 tlem khawm theinak innpi a si. Cun, gym hall thawn pehaw in sakmi a si ih gym hall hi basketball le volleyball leh theinak indoor khanpi a si. a sirah coka, nursery le meeting rooms pawl a um thei ih, a sir tlunta pawl ah Sunday School hrang cazirnak khan 6 a um beet. 

Himi hi $ 1,900,00.00 in lei a si ih kan duhdan in rem vivo a si. Parking lot ah car 100 pak theinak beet a si ih azatein 300 lenglo park theih a si thlang ding. Cun, coka khal sak beet rero lai a si. Sound system le media pawl thawn ting 8 lenglo cem in rem beet  a si. Hmuan kaupi a si ruangah bawhlung sit theinak bualrawn 2 le volleyball lehnak 2 tuah dingin timtuahnak a um. 

CPM Pawl Thawn Thuruah

CPM pawl thawn tonkhawmnak kan nei tikah Pathian lamhruainakin kan lung a tongaw zet tin kan ruat, ih kan Designer architecture pa thawn tla hnaṭuan tlang thei ding an si ruangah hi pawl hnen ah ṭhumaw in, kan mai budget million 40 kiangkap tiang in in ngaihtuahsak thei ding ti ruahsannak kan neih ruangah an mah thawn ṭuantlang dingah thutluknak kan tuah tum.

Cun CPM pawl cun Estimate an rak tuah mi tla zoh tlangnak kan neih tikah kan lunghmui zet ziangah tile famkim zet in an tuah, curuangah kan sumpai dimhmun thawn  kan thlir tikah kan design hlo cuang si lo ṭhum ding awm taktak pawl tla in sim tikah thinlung an la zet.

CPW:6-7  Contractor thawn

Ruahrel tlangmi

Thuruah awknak kan nei nan fumfe ih ruah ding ngaingai in nei lo, a mai duh dan cun kan mah thawn hnaṭuan tlang dingih lungphumnak nei lawngah cipciar thurel tlangnak neih a duh ruangah neta le biak sal dingah thuruahtlangnak kan nei.

PH Contractors thawn tonawnak

October 10, 2017 ah PH Contactor pawl thawn tonawnak kan nei an mah lam in  Budget Estimate an tuah mi tla kan zoh tlang nan a tam luar zet ruangah rak tuahsal dingin le mi dang tla biak dingin kan kan thu kan tawp ter ta.

Pa Van Lian cu Falam Baptist Church in Biakinn sak ding timtuahnak ngaingai a neih tlang tikah thil ziangkim theih thluh hi a theih lo ruangah thuron lak kan ṭul zet ruangah ziangkim in thei pitu le in bawm tu dingah tin FBCI cun sawmnak a neih tikah lungawi ten in co hlangih Pathian ṭihzah upatnak thawn kan mah bawm dingah timtuahnak a neih mi parah siseh ṭumhnih lai in bawmzonak par khal ah kan lungawi ngaingai a si. Pathian in kan karlak ah buainak harsatnak um lo ten lam in hruai tlang vivo hramseh.